Астана
25.77°C
Астана
25.77°C
Қазақстан Республикасы Парламенті Мәжілісінің Экономикалық реформа және өңірлік даму комитетінің мүшесі Айтуар Қошмамбетов жемқорлықты тек заңмен жеңе алмайтынымыз туралы айтты.
«Ең біріншіден, біз оны тек қана заңмен, жемқорларды ұстап алу, оларды соттау емес, адамдардың сана сезімдерін өзгерту арқылы күресуіміз керек. Балаларымызды балабақшадан, мектептен бастап, өз отбасымызда ондайға жол берілмеу туралы, болдырмау туралы сондай мәселелер үйретуіміз керек. Жалпы, қазіргі таңдағы ең айтылып жатқан мәселе, әйелдер мен балалардың құқықтарын қорғау деп жатамыз, ұрмау, балағаттамау - бұл да сол мәдениетке байланысты. Біз соны бала кезден үйретіп жүрсек, кейіннен кеңейе береді. Бірақ, бұл фактор әр мемлекетте бар. Сондықтан, біз де дұрыс жолдамыз деп ойлаймын. Жемқорлықты 100 пайыз жеңу мүмкін емес, ешқандай елде ондай жеңіс жоқ шығар. Бірақ, көз қарасты өзгертуге болады. Мәдениетімізге, заңдарымызға байланысты. Біздің динамика оң деп ойлаймын. Жемқорлықтың түрлері де өзгеріп жатыр. Халықтың фантазиясы өте мықты. Жемқорлық жасаудың жолын тауып жүр», - деді депутат.
