Астана
25.77°C
Астана
25.77°C
Ақтөбе облысында жүргізуші куәлігінен айырылған адам жолаушы тасымалдаумен айналысқан, деп хабарлайды облыстық полиция департаменті.
Ол "Қауіпсіз жол" жедел-іс-шарасы кезінде Ақтөбе – Астрахань жолында ұсталды.
"Тексеру кезінде көлік жүргізушісінің бұған дейін көлік құралын басқару құқығынан айырылғаны анықталды. Соған қарамастан ол Шұбарқұдық – Ақтөбе бағыты бойынша жолаушылар тасымалдауды жалғастырған", - дейді ведомство.
Шағын автобустың салонында 16 жолаушы болған. Жүргізушіге қатысты әкімшілік іс қозғалды.
