Астана
16°C
Астана
16°C
Үндістанда отшашу фабрикасында болған жойқын жарылыс салдарынан 23 адам қаза тауып, алтауы жарақат алды, деп хабарлайды Hindustan Times басылымына сілтеме жасаған Paryz.kz.
Басылымның жазуынша, Тамилнад билігі оқиға орнын тексергеннен кейін 23 жұмысшының қаза тапқанын растаған.
Тағы алты адам ауруханада жатыр. Өрт сөндіру қызметінің мәліметінше, жарылыс кеше күндізгі уақытта болған – сол кезде зауытта шамамен 30 адам жұмыс істеп жатқан. Жарылыс ғимараттың алдыңғы жағында, жұмысшылар шикізатты өңдеп, әрлеу жұмыстарын жүргізіп жатқан жерде болған.
Жарылыстың күші қатты болған соншалық, кем дегенде үш үй-жайдың күл-талқаны шығып, көршілес бірнеше құрылыс толығымен қирап қалған. Отшашулардың үздіксіз атылуы құтқару жұмыстарын қиындатқан. Қирандылардың астында адамдар қалып қоюы мүмкін.
