Астана
25.77°C
Астана
25.77°C
Екібастұзда көп қабатты үйлердің бірінде қанды оқиға болды.
Алған пышақ жарақатынан ер адам оқиға орынында қайтыс болып, жараланған әйел ауруханаға түсті. Оқиғаның желісі кіреберістегі бейнекамераға түсіп қалған.
Онда қансырап, баспалдақпен төмен түсіп бара жатқан әйелдің құлағаны анық көрінеді. Екіншісі қуып жетіп, ұра бастаған. Полиция күдіктінің ұсталып, уақытша ұстау изоляторына қамалғанын хабарлады.
"9 қаңтарда полицияға Екібастұз қаласының пәтерлерінің бірінде болған оқиға туралы шақыру келіп түсті. Оқиға орнына келген полиция қызметкерлері тұрмыстық жанжал кезінде, мүмкін мас күйінде, қатысушылардың біріне бірнеше пышақ жарақаты салынып, оқиға орнында қайтыс болғаны анықталды", - дейді Павлодар облыстық полиция департаменті.
Полиция кісі өлтіру және кісі өлтіруге оқталу фактісі бойынша қылмыстық іс қозғады.
