Астана
25.77°C
Астана
25.77°C
Абай облысындағы түрмелердің бірінде жазасын өтеп жатқан 53 жастағы азамат өмірінде бірінші рет партаға отырып, сауатын ашпақ. Ата-анасы ішімдікке салынған ол бала кезінде екі кішкентай қарындасын асырау үшін ерте еңбекке араласқан екен. Өкінішке қарай, жастық шағы түрмеде өткендіктен, ол сол қалпы мектепке бармаған, деп жазады Paryz.kz.
Polisia.kz сайтының мәліметіне сүйенсек, Абай облысындағы түрмелердің бірінде №2 жалпы білім беретін орта мектептің қолдауымен 21-53 жас аралығындағы адамдар сабақ оқи алады.
Сол адамдардың арасында өмірінде бірінші рет партақа отырған 53 жастағы азамат ерекше көзге түскен екен.
«Балалық шағым жұмыс істеп, екі қарындасымды бағумен өтті. Әке-шешем көп ішетін, сондықтан, мені мектепке апарған да жоқ. Жастық шағым әртүрлі қамау мекемелерінде өтті. Осы жасқа келіп түсінгенім – егер білім алғанда тағдырым басқаша болар ма еді. Дегенмен, ештен кеш жақсы», - дейді сотталған азаматтың өзі.
Ал, қамау мекемесінің басшысы Жеңісбек Дәуренбеков білім – сотталғандар үшін түрмеден шыққаннан кейін жаңа мүмкіндік сыйлайтын құрал дейді.
