Бокстан әлем чемпионы Айбек Оралбай Конституцияның ел дамуы үшін маңызы зор екенін атап өтті, деп хабарлайды Paryz.kz.
Оның айтуынша, Ата заң – мемлекет дамуының негізгі бағытын айқындайтын, қоғамдағы әділдік пен теңдіктің кепілі болатын басты құжат.
Спортшы әрбір азаматтың таңдауы ел болашағына әсер ететінін айтып, референдумға қатысу маңызды екенін жеткізді.
«Конституция – ел дамуының негізгі бағдары. Біздің бүгінгі таңдауымыз – Қазақстанның ертеңі», – деді әлем чемпионы.