Астана
25.77°C
Астана
25.77°C
Қасым-Жомарт Тоқаев Қазақстанның Конституциясының 30 жылдығына арналған ғылыми-практикалық конференцияда Конституцияны қабылдаудағы тұңғыш президент Нұрсұлтан Назарбаевтың еңбегін атап өтті, деп хабарлайды Ақорда.
"1993 жылы егемен Қазақстанның алғашқы Ата заңы бекітілді, мемлекетіміздің конституциялық құрылымы айқындалды. Бірақ көп ұзамай жаңа тарихи ахуалға сай келетін жаңа Конституция қабылдау қажет болды. Осыған орай арнайы кеңес құрылды, оған бір топ белгілі отандық заңгер мүше болып, белсенді жұмыс жүргізді. Шетелден шақырылған сарапшылар да осы маңызды іске атсалысты.
Ата заңымыздың жобасын талқылауға миллиондаған азамат қатысты, мыңдаған ұсыныс келіп түсті. Конституция туралы айтқанда, тұңғыш президент Нұрсұлтан Әбішұлы Назарбаевтың табанды еңбегіне әділ баға беру қажет. Ол Конституция қабылданған кезде мемлекет басшысы ретінде шешуші рөл атқарды", - деді мемлекет басшысы Қасым-Жомарт Тоқаев.
