Астана
25.77°C
Астана
25.77°C
Қазақстанда ата-аналар мен заңды өкілдер баласын бір мектептен екінші мектепке eGov.kz порталы арқылы ауыстыра алады, деп хабарлайды Paryz.kz Оқу-ағарту министрлігінің баспасөз қызметіне сілтеме жасап.
Ведомство мәліметінше, онда тұрғылықты жері бойынша немесе одан тыс кез келген білім беру ұйымын таңдап, өтінішті электронды түрде беруге мүмкіндік бар.
"Бұл қызмет есептен шығару және бекіту талондарын, сондай-ақ жеке іс құжаттарын тапсыруды талап етпейді. Өтініш беруші оқу тілін таңдап, қажет болса, өтінішін қайтарып ала алады", - делінген хабарламада.
Қызметті алу үшін:
eGov.kz порталында тіркелу;
"Білім" - "Орта білім" бөлімінде "Балаларды мектептен мектепке ауыстыру" қызметін таңдау;
Өтінішті толтырып, ЭЦҚ көмегімен қол қою;
Нәтижемен Жеке кабинетте танысу керек.
