Министр ана мен бала өлімінің негізгі себептерін айтты

Министрдің айтуынша, бүгінде жүйелі шараларға қарамастан, 6 өңірде - Ақмола, Жетісу, Жамбыл, Абай, Ақтөбе мен Қостанай облыстарында ана өлімінің өсуі байқалады.

Ал Ақмола облысындағы статистика республикалық көрсеткіштен 7 есе жоғары болып тұр. "Ана өлімінің басым себептері: ауыр экстрагенитальды аурулар - 55 % (10 жағдай) және акушерлік жағдайлар – 45 % (8 жағдай). Әрбір жағдай бойынша жан-жақты сараптама жүргізіледі", - деді Әлназарова үкіметтің бүгінгі отырысында.

Ал Қызылорда, Қостанай, Батыс Қазақстан, Жамбыл және Абай облыстарында нәресте өлімі жоғары болып отыр.

Нәресте өлімінің негізгі себептері:

перинаталдық кезеңдегі жағдай (47,7%);

туа біткен ақаулар (19,6%);

тыныс алу ағзаларының аурулары (7,6%).

"Сосын Павлодар, Солтүстік Қазақстан, Қостанай және Ұлытау облыстарында үй жағдайында тіркелген өлім-жітім көрсеткіші республикалық көрсеткіштен 2 есе жоғары болып тұр", - деді министр.